打邊爐二人散叫約HK$700都平過AA制新鮮靚料識食去謙記火鍋

近日天氣涼番點，在真夏天來臨前最後機會打邊爐，Kim Kee Hotpot謙記火鍋係首選，這間是單點食物、配菜；湯底選擇多，還覺得是用心製作的口味。湯底包括：清湯坑腩、魚頭、粉葛豬骨、蕃茄牛腩、四川麻辣、沙爹、雜菜豆腐、皮蛋芫茜窩，還有重口味的魚翅骨、醉雞、雲腿菜胆雞及水魚窩。

打邊爐，看大廚功力整湯底外，和看火鍋店買手入貨食材的要求有多誠意。用心做生意，生意不是做一轉，顧客食過翻尋味，客人回流，就會變熟客。我在謙記火鍋打卡也四次了。

本人酷愛蕃茄、愛牛如命，絕不能放過蕃茄牛腩湯底，濃郁蕃茄味，超足料鮮茄、茄膏、茄醬混合體拗湯一流，牛腩厚肉地，大塊軟綿腍滑，數量可觀，當是多個餸食非常好又化算。

這火鍋店選擇非常新鮮的食材，是優勝的賣點。
手打肥牛鮮嫩紅色，是新鮮色澤，牛味濃，肉質甜，烚耐左都唔會硬到咬不開。

響鈴和炸魚皮爽口香脆，炸魚皮無腥味，也不硬身，硬身不新鮮會咬到牙軟都撕不開。

脆肉鯇，入口爽脆，又不失魚肉之滑溜。

蝦滑好鮮甜同魚片頭都好彈，很鮮美絕對係手工出品。

翠綠生菜，新鮮爽口。

總結
環境舊派裝修，乾淨企理，服務佳，各方面水準依然，新鮮食材的緣故，能食出食物原有鮮味，另外水晶叉燒包口啤好高，有機會去試下。這火鍋店不是地鋪，有點難找，需要在商業大廈乘搭電梯上樓，去到銅鑼灣謝斐道時，抬頭看廣告路牌了。

謙記火鍋
人均消費：約HK$350
地址：香港銅鑼灣謝斐道408-412號華斐商業大廈1至3字樓
1/F – 3/F, Workingfield Commercial Building, 408-412 Jaffe Road, Causeway Bay, Hong Kong

更多飲食分享：